VLORË– Policia e Vlorës ka dalë pak minuta më parë me një njoftim zyrtar në lidhje me vdekjen e Nadir Gjatës. Pas pretendimeve të familjarëve të cilët më herët deklaruan se ai është vrarë dhe më pas grabitur si dhe në pjesën e pasme të kokës ka plagë arme zjarri Policia sqaron se gjatë kqyerjes paraprake të trupit nuk janë konstatuar shenja dhune. Sipas bluve të qytetit bregdetar 63-vjeçari ka humbur kontrollin e mjetit për shkaqe shëndetësore duke u përplasur me tre maina. Kjo i ka shkaktuar dhe vdekjen. Më tej shton Policia trupi është dërguar në morg ku do të kryehet dhe ekspertiza mejko-ligjore, e cila do të hedhë dritë mbi shkaqet e vdekjes së Gjatës.
NJOFTIMI I POLICISË:
Vlorë/Informacion paraprak. Më datë 21.08.2023, rreth orës 04:00, në lagjen “28 Nëntori”, Vlorë, në afërsi të vendit të quajtur “Kapelja”, shtetasi N. GJ., 63 vjeç, banues në Vlorë, dyshohet se ka humbur kontrollin mbi drejtimin e automjetit tip “Ford Fiesta”, për pasojë automjeti i tij ka përplasur një automjet të parkuar (taksi), i cili gjatë zhvendosjes ka përplasur 2 automjete të tjera të parkuara. Paraprakisht, dyshohet se 63-vjeçari ka humbur kontrollin mbi drejtimin e automjetit, për shkaqe shëndetësore, më pas automjeti i tij është përplasur me automjetin taksi dhe për pasojë ky shtetas ka humbur jetën. Trupi i pajetë u transportua në morg, për kryerjen e ekspertizës mjekoligjore, për të përcaktuar shkakun e humbjes së jetës. Nga këqyrja paraprake e trupit, eksperti mjekoligjor nuk ka konstatuar shenja dhune. Grupi hetimor, në drejtimin e Prokurorisë, vijon punën për sqarimin dhe dokumentimin e plotë të rrethanave të ngjarjes, si dhe po bashkëpunohet me Institutin e Mjekësisë Ligjore në Tiranë, për përcaktimin e shkakut të humbjes së jetës së 63-vjeçarit.
