TIRANË– Një denoncim i bërë pranë Policsë së Tiranës ka alarmuar këta të fundit. Mësohet se familjarët, konkretisht nëna e një 29-vjeçareje të identifikuar me inicialet A.L kanë denoncuar pranë bluve të Komisariatit nr.3 zhdukjen e saj. Sipas saj e reja është larguar prej muajsh nga banesa dhe ata nuk kanë dijeni për fatin e saj. Policia është vënë menjëherë në kërkim të saj.
NJOFTIMI I POLICISË:
Në Komisariatin e Policisë Nr. 3, është paraqitur shtetasja M. L., 56 vjeçe, e cila ka kallëzuar se në maj të këtij viti është larguar nga banesa dhe nuk është kthyer më, vajza e saj, shtetasja A. L., 29 vjeçe. Punohet për gjetjen e saj. Materialet i kaluan Prokurorisë, për veprime të mëtejshme procedurale.
