Ta nisësh ditën me një çokollatë nuk përben mëkat!
Shkencëtarët në Universitetin e Sirakuzës në Nju Jork kanë kryer së fundmi një hulumtim shkencor në shkallë të gjerë, ku morën në studim zakonet ushqimore të 968 njerëzve të moshës 23 deri në 98 vjeç.
Eksperimenti tregoi se njerëzit që pëlqenin të ëmblat e çokollatën e zezë kryesisht, ishin më të shëndetshëm se njerëzit që prefeonin ushqimet e kripura. E gjitha kjo lidhej me çokollatën e cila ka një efekt të drejtpërdrejtë në nivelin e inteligjencës. Nëse e konsumojmë atë rregullisht çokollata mund të përmirësojë ndjeshëm kujtesën dhë të zhvillojë të menduarin në mënyrë abstrakte.
“Sapo ju zgjoheni, truri juaj ka nevojë për energji” thotë Dr Daniela Jakubowicz, autor i shumë librave. “Kjo është periudha e ditës kur trupi juaj e konverton ushqimin në energji, ndërsa gjatë pjesës tjetër të ditës, kur ju hani, trupi juaj e shndërron ushqimin në rezervë yndyrore.
Sipas dietologëve çokollata nuk duhet ngrënë më vonë se ora 9 e mëngjesit. Sipas Jakubowicz, njerëzit që marrin karbohidratet, proteina dhe thuasje 600 kalori në mëngjes humbin më shpejtë peshë sesa njerëzit që konusmojnë edhe më pak kalori por në orare të ndryshme të ditës.
Çokollata është një burim i shkëlqyer i polifenoleve, katekineve dhe flavonoleve. Këto janë përbërës që kanë veti të fuqishme antioksiduese. Studimet kanë treguar se qumështi mund ta bllokojë absorbimin e këtyre elementëve, prandaj do të ishte më mirë të mos konsumoni çokollatë me qumësht. Çokollata e zezë rregullon edhe nivelin e insulinës. Ajo gjithashtu mund të ndihmojë në rregullimin e nivelit të kolesterolit. Studimet kanë treguar se çokollata e zezë në të njëjtën kohë e redukton nivelin e kolesterolit të keq (LDL) dhe i rrit nivelet e kolesterolit të mirë (HDL).
Çokollata e zezë e përmirëson shëndetin e gjithë sistemit kardiovaskular, ndërsa vetëm dy porcione të çokollatës së zezë në javë mund ta zvogëlojnë rrezikun e sulmit në zemër për madje 30%. Çokollata e stimulon prodhimin e serotoninës, një neurotransmetues ky përgjegjës për gjendjen emocionale, ndërsa studimet kanë treguar se konsumimi i rregullt dhe i moderuar i çokollatës mund ta zvogëlojë rrezikun prej depresionit.
