Një ngjarje që ka tronditur opinionin publik dhe ka lënë pa fjalë shumë të tjerë, ka ndodhur këte fillim jave.
Drejtuesja e Spitalit të Librazhdit, Bardha Qatja e cila pati një rol kyç në luftën dhe realizimin e projektit të rikonstruksionit të këtij institucioni shëndetësor në bashkepunim me TIKA,ka marrë një lajm të papritur dhe të paarsyeshëm: shkarkimin nga puna.
Ky vendim ka tronditur jo vetëm stafin, por edhe të gjithë komunitetin, duke ngjallur shumë pyetje dhe dyshime.
Në një postim prekës, drejtoresha ngriti disa shqetësime serioze: Pse ky shkarkim pa arsye dhe pa paralajmërim? Pse dikush që ka punuar me përkushtim shpërblehet kështu? A është ky një ndëshkim për qëndrimin e saj të drejtë, për përpjekjet për të luftuar korrupsionin dhe për të zbatuar ligjin? A është ky një vendim për të kënaqur dikë që është prekur nga korrektësia dhe ligjshmëria ime?
Duke e ditur që datë 3 nuk miratohen më lëvizjet në punë.Kujt i shërbeu shkarkimi im pyet serisht Qatja.
Ajo gjithashtu pyet: Si do të mbijetoj nesër? Si do të ushqehet fëmija im? Ky postim është një thirrje për drejtësi dhe transparencë, duke kërkuar përgjigje për një veprim të tillë.
Në vend që të shpërblehej për punën e saj të palodhur dhe përkushtimin që ka treguar, drejtoresha ka përjetuar një shkarkim të papritur dhe pa asnjë njoftim paraprak. Pa asnjë arsye të qartë dhe pa mundësi për t’u mbrojtur, ajo është larguar nga detyra, duke lënë pas një pyetje të madhe: pse është bërë kjo?
Komuniteti ka reaguar masivisht dhe i indinjuar, duke theksuar se njerëzit e drejtë nuk i hyjnë në punë askujt, as politikës, dhe përkushtimi i drejtoreshës nuk mund të ndëshkohet për shkak të ndershmërisë dhe integritetit të saj ndaj dhe kërkojnë reagim publik nga ana e Ministrisë së Shëndëtësisë dhe Kryeministrit Edi Rama.
Përveç kësaj, ajo është larguar edhe nga pozita e kryetares së PS-së natën e ndërrimit të viteve (31 Dhjetor)nje veprim qe mund të interpretohet si eleminim politik i saj, një lëvizje që ka ngjallur dyshime për motivet politike pas shkarkimit të saj.
Mirëpo pse ky eleminimim i Qatjas në arenën politike kur ajo njihet si një personazh i gjendur për komunitetin,një personazh i lidhur me socialistët e thjeshtë të Librazhdit dhe me hallet e tyre.
Edhe pse ende nuk ka një njoftim zyrtar nga sekretari i përgjithshëm i PS-së për arsyet e këtij vendimi.
