Divorci i Chiara Ferragnit nga reperi Fedez shpërtheu si një “bombë”, teksa çifti vendosi të ecë në rrugë të ndara pas pesë vitesh martesë dhe lindjes së dy fëmijëve.
Një muaj pasi u bë publike ndarja, Fedez theu heshtjen dhe foli për herë të parë për divorcin e pritshëm me Chiara Ferragni, ndërsa reagoi ashpër kur u pyet nëse kishte qenë një bashkëshort jobesnik.
Reperi i njohur u shfaq në emisionin “Belve” të Rai2, të transmetuar mbrëmjen e së martës 9/4 dhe shpjegoi se çfarë e çoi çiftin dikur të dashuruar drejt fundit të martesës.
Fillimisht Fedez tha: “Unë dhe Kiara kaluam shumë kohë të vështira, një prej tyre ishte sëmundja ime. Ishin tre vite shumë të ndërlikuara dhe për fat të keq nuk duruam dot”.
Më pas, edhe pse ishte i gatshëm të fliste për Chiara Ferragni-n, nuk deshi të tregonte se çfarë i bëri ata të vendosin për divorc. Megjithatë, prezantuesja e pyeti nëse beteja ligjore e Ferragni-t kishte ndikuar në martesën e tyre, Fedez u përgjigj: “Po, po, po, po” por sqaroi: “Nuk është kjo arsyeja pse u ndamë”.
Së fundi, Fedez për ata që e akuzojnë për tradhti iu përgjigj: “Është shaka, derisa u martova më thanë se jam gay, por tani që jam divorcuar, a më pëlqejnë femrat? Unë jam i habitur se sa lehtë njerëzit flasin për të. Kaq e thjeshtë, nga askund. Të gjithë menduan se do të vija këtu për të kritikuar gruan time. Nuk është kështu, ajo është nëna e fëmijëve të mi dhe do të jetë gjithmonë gruaja më e rëndësishme në jetën time, pavarësisht se çfarë do të ndodhë”.
