Nga Edon KUQI
Ceremonia private e kryeministrit Edi Rama e zbehu vizitën e mikut të madh të kombit shqiptar ish-Presidenti i Shteteve të Bashkuara të Amerikës Bill Clinton ose mbase dhe ai e dinte se përse e kishte sjellë Rama dhe kush e organizoi këtë vizitë. Bill Clinton është padyshim miku i mirë i shqiptarëve të Kosovës e mbarë kombit tonë, që e shohin si hero kombëtar për çlirimin që e lanë me gjak. Nga ajo që dihet ish-Presidenti i SHBA-së erdhi në Shqipëri me ftesë të kryeministrit dhe ky i fundit e trajtoi vizitën e tij si festë private kryeministrore duke përjashtuar krerët e shtetit.
Në oborrin e jashtëm të kryeministrisë iu rezervua një pritje e veçantë në një ceremoni të dekoruar me shije të hollë, të mbushur me vipa por ku mungonte pjesa më e madhe e deputetëve të Kuvendit dhe mbi të gjitha Kreu i Shtretit Bajram Begaj. Ky i fundit në një prononcim të shkurtër në rrjetet sociale i uroi Clintonit mirëseardhjen dhe shtoi se mungonte në festë për arsye shëndetësore.
Por burimet tona thonë të kundërtën. Presidenti jo vetëm që është ‘’top’’ me shëndet por ai është lënë jashtë me urdhër të Ramës, I cili dhe këtë viztë e shfrytëzoi për politikë personale duke lënë në rresht të parë ministra e deputetë, krerë organizatësh por duke lënë të paaftuar Presidentin.
Pse veproi kështu Rama
Është e sigurt se nuk donte që askush ti merrte meritat e festës që ishte e tija. Në fund i dha ish-Presidentit një dekoratë, e cila është më el arta që jep ai por jo dekorata më e lartë që duhet të marrë një burrështetas i madh që emri i tij është i skalitur thellë në mendjen e çdo shqiptari. Dekoratën më të lartë e jep Kreu i Shtetit, i cili mungoi. Si politikani i nivelit më të lartë ai duhet të priste Clintonin në zyrën e tij por jo nuk ishte e mundur. Të paktën ta kishin ftuar në sheshin ku nuk mungonin moderator, këngëtarë e kryebashkiakë.
Pse u mbajt si festë private?
Ishte festë private pasi ftesat ishin të tilla. Ishte kryeministri ai që vendosi se kush të vinte e kush jo, ishte ai që caktonte opozitën pjesëmarrëse dhe se kush do të lihej në vendin e parë. Me një shikim të thjeshtë një natë më parë shihje se aty ishin ish-Presidentët Topi, Moisiu dhe Mejdani por pse jo Ilir Meta. Burimet thonë se atij nuk i ka shkuar një ftesë e tillë pavarësisht se është një nga politikanët e nivelit të lartë që për pesë vite ishte në zyrën e Kreut të Shtetit. As Sali Berisha nuk ka pasur një ftesë të tillë. Ndërkohë që ish-kreut të Kuvendit Gramoz Ruçit ishte rezervuar rreshti i parë ngjitur me kryebashkiakun e Tiranës Erion Veliaj. Ky i fundit nuk e humbi rastin për ti treguar ‘’shefit të madh’’ se ai është i preferuari i Sorosit të vogël që tashmë ëhtë bërë i ‘’Madh’’.
Po ashtu në rreshtët e parë ishin dhe drejtuesit e fondacionit të ‘’Sorosit’’ në Tiranë, me në krye Alex Sorosin që mësojmë se ishte dhe një nga lobuesit më të mëdhenj që Bill Clinton të vinte në Tiranë. Kjo nisur dhe nga raportet që dy të fundit kanë me njëri-tjertrit dhe milionat e dollarëve që fondacioni ‘’Sorors’’ jep për demokratët amerikanë.
Kush mori ftesë nga opozita dhe kush ishte ‘’opozita’’ e vërtetë
Ashtu si nuk i ishte dërguar ftesë ish-Presidentit Ilir Meta ashtu dhe shumë deputetë demokratë nuk kishin marrë ftesë. Kjo solli dhe përplasje mes PD-së zyrtare. Gazment Bardhi do e cilësonte ceremoninë si ceremoni private të Ramës ndërsa Enkelejd Alibeaj, Lulzim Basha, Orjola Pampuri dhe Arbi Agalliu u shfaqën të buzëqeshur në ‘’festë’’.
Ndërkohë Bill Clinton mbetet një nga Presidentët më të dashur për shqiptarët por nuk u prit ashtu si ai e meritonte dhe si shqiptarët dinë të presin. Më shumë se një dhuratë për shqiptarët ishte një dhuratë që Edi Rama i bëri vetes në Ditën e Pavarësisë së Amerikës, duke bërë pjesë në shfaqje ish-Presidentin që në një kohë krize për Kosovën, iu ‘’kundërvu’’ deri diku vendit që çliroi vetë. A ishte kjo e përgatitur? A ishte Bill Clinton në Tiranë pët ti dhënë një mesazh të fortë Kosovës? A i sjell kjo viztë Edi Ramës kredite për të qenë një lider rajonal duke qenë se do të nisë dhe një tur ballkanik sa i përket ‘’Procesit të Berlinit’’ dhe ‘’Balklkanit të Hapur’’?
Kush përfitoi më shumë nga vizita e Clintonit në Tiranë? Ai erdhi dhe iku në një takim vetëm me kryeministrin, i cili nuk e fshehu emocionin e kësaj dite ku dhe njëherë përdori ngjyrat e fasadës për të treguar pushtetin e brendshëm në katundin e vogël shqiptar që dhe njëherë u marros pas ngjyrave dhe harroi thelbin. Kush e solli Bill Clinton në Tiranë dhe çfarë fshihet pas axhendës së tij kjo mbetet për tu parë ama përtej çdo gjëje shqiptarët do i jenë mirënjohës gjithmonë Bill Clintonit për atë që ai bëri për Kosovën./Newszone
