FIER- Mbi 70 punonjëse janë ngritur përsëri në protestë ditën e sotme, pasi një fasoneri private ku ato punojnë nuk i ka dhënë pagën për dy muaj me rradhë.
Ankesat e punonjësve janë ngritur që gushtin e kaluar, pavarësisht se askush nuk i ka marrë për baze, por duke qenë se gjendja muajit e fundit sa po vinte po përkeqësohej, ato janë detyruar të marrin masa të tjera.
Ditën e sotme në protestë, punonjëset kanë deklaruar se do e hedhin në gjyq pronarin e institucionit që ato punojnë. Ndërkohë, protestës i është bashkangjitur dhe përfaqësuesi i sindikatës së punëtorëve të fasonerive, Alfred Bushi i cili e ka cilësuar skandal faktin që asnjë institucion i shtetit nuk ka reaguar.
