VLORË– Operacioni i koduar “Fijet” ka vijuar dhe ditën e sotme në Vlorë ku mësohet se janë çmontuar edhe 4 kamera të tjera të vendosura nga grupet kriminale. Kamerat e sigurisë janë gjetur dhe çmontuar në zonën e Lungomares dhe Selenicës që njihen edhe si zona problematike sa i përket krimit të organizuar.
Ndërsa sot policia bëri me dije se nga operacioni i kryer ditën e djeshme në Tiranë janë çmontuar në total 155 kamera dhe janë vënë në hetim 37 persona mes tyre dhe emra të njohur në botën e krimit si pjesë e bandës së Emiliano Shullazit.
