GREQI– Një aksion i policisë greke ka çuar në pranga katër shqiptarë të cilët akuzohen për një seri vjedhjesh. Mediat greke shkruajnë se arrestimi i tyre është bërë më 27 janar. Një nga të arrestuar është me aftësi të kufizuara pasi ka vetëm një këmbë dhe një krah.
Shqiptarët operonin në fushën e vjedhjeve, të pastrimit të parave, në trafikun e narkotikëve dhe në dhunimin e punonjësve të drejtësisë dhe qytetarëve të ndryshëm. Ata akuzohen për të paktën 21 vjedhje prej të cilave kanë siguruar të paktën 200 mijë euro. Dobësia e shqiptarëve ishin bizhuteritë, florinjtë dhe orët e shtrenjta Rolex.
