Filmi ‘Sirin’ i Malit të Zi kandidat për çmimet Oscar 2023

Filmi artistik ‘Sirin’ ,me regji të Senad Šahmanović, është filmi kandidat i Malit të Zi për Oscar-in e 96-të të Akademisë së Arteve dhe Shkencave të Filmit në kategorinë e Çmimit Ndërkombëtar të Filmit në vitin 2023. Vendimi është marrë njëzëri nga Komisioni Përzgjedhës i Ministrisë së Kulturës dhe Medias, i përbërë nga: Sehad Çekiq, producent – kryetar dhe anëtarë: Relja Erakoviq, drejtor i fotografisë, Gojko Berkuljan dhe Vuk Markoviq, regjisorë, Vesna Vujosheviq Laboviq dhe Julija Milaçiq. Petrović Njegoš, aktore dhe Biljana Vušovic, producente. Ky film ishte i vetmi kandidat i regjistruar në konkursin publik të Ministrisë së Kulturës dhe Medias, i cili ishte i hapur nga data 5 gusht deri më 8 shtator 2023. Vendimi është marrë unanimisht, me votim të fshehtë, bazuar në Rregulloren Speciale të Akademisë Amerikane dhe Rregulloren e Ministrisë së Kulturës dhe Medias. Një rol të rëndësishëm në këtë film e luan aktorja kosovare Maylinda Kosumovic.