Në javën e 31-të të Serie A, Monza mundi në mënyrë befasuese Fiorentinën me rezultatin 3 me 2. Në stadiumin U-Poëer të Monzas, “La Viola” kaloi në epërsi 2-0 falë Kouamé (8′) dhe Saponara (13′), por vendasit barazuan në 2-2 që në pjesën e parë falë autogolit të Biraghi (26′) dhe golit të realizuar nga Dany Mota (43′).
Golin që i dha tre pikët skuadrës në pronësi të manjatit Italian Silvio Berlusconi, e realizoi Pessina në minutën e 58-të me anë të një penalltie.
Me këtë triumf, Monza shkon në kuotën e 41 pikëve në kampionat, gjë që i siguron matematikisht, qëndrimin në elitë dhe për sezonin 2023-2024
Gjatë kësaj pasidteje, buzëqeshi edhe Udinese, e cila mposhti Cremonesen 3-0 në Dacia Arena: Samardzic (2′), Perez (27′) dhe Success (36′) ishin autorët e golave për klubin bardhezi.
Ndërkohë, gjatë drekës, Interi i Milanos fitoi tre me zero në duelin e zhvilluar në Stadiumin Castellani përballë Empolit.
