TIRANË– E shkuar me familjen e saj nga Shqipëria për në Londër të Anglisë, që nga mosha 4 vjeç, ‘Miss Londra 2023’ Franceska Murati, shpjegon një pjesë tjetër të jetës së saj atje, në fëmijëri deri në adoleshencë. Murati në “Stay Tuned” me moderatoren Valbona Mhilli rrëfeu se si është bullizuar që nga mosha 12 vjeç, dhe të tërën vendosi të mos ua tregojë prindërve porse të ia dalë vetë.
“Unë jam bullizuar nga mosha 12 vjeç deri në 15 vjeç. Jo bullizuar lehtshëm por vërtetë rëndë. Dhe kjo ndikojë shumë te vetja ime sepse thoja këtë më bullizonin mua, se unë kam vërtet diçka , jam më thonin je e çuditshme, sepse doja të bëja gjithmonë diçka ndryshe, po tani të gjithë adoleshentët nuk mund të jenë njësoj, poqese je pak ndryshe, ka diçka dhe duhet të të qëndrojmë larg teje. E kam vuajtur shumë një ditë po shkoja në shtëpi, disa goca me erdhën dhe më prenë flokët, i kisha të gjata, më prenë dhe më thonin ik në Shqipëri, nuk je për këtu dhe ngaqë unë isha shumë krenare që isha shqiptare, e pranoja gjithë kohës. I futa të gjitha ëndrrat e mija në sirtar, i preva të gjithë flokët, doja të bëhesha e padukshme, nuk vishesha më si dikur, shkoja me ca taka të vogla, i hoqa ato, vesha të thjeshta, dhe thashë se nëse unë zhdukem brenda vetën, ato do të më linin rehat. Kisha vetëm një shoqe të ngushtë dhe vazhdova jetën time, ato më linin rehat dhe s’më ngacmonin më se ju dukesha ‘boring’. Nuk doja të shqetësoja prindërit se ato kishin bërë tërë atë sakrificë për mua, të më sillnin këtu dhe si ti them se këtu nuk më duan, dhe unë heshta, nuk u tregova, vazhdojë në atë vuajtjen time në qetësi, e gjeta, pastaj u bëra 15 vjeç dhe e kuptova se jeta është kot pa pasion, me kishte ikur buzëqeshja, dhe i bëra vetes pyetjen kush jam unë”.
