TIRANË– Kristian Shkreli, kandidati fitues i Partisë Socialiste për një tjetër mandat në krye të Bashkisë së Vaut të Dejës duket se nuk do e ketë rrugën fort të lirë deri në mbërritjen në zyrë. Kjo pasi 15 deputetë të Partisë Demokratike, kanë kërkuar verifikimin me urgjence të tij për një dënim në Itali të cilin Shkreli e ka mbajtur të fshehur.
Shkreli rezulton se në vitin 2021, kur ka qenë kandidat për deputet nën siglën e PS, nuk ka deklaruar dëbimin e tij nga Italia në vitin 2007, në formularin e dekriminalizimit. Por në vitin 2023 ai ka deklaruar dëbimin, por pa sqaruar më tej se për çfarë është marrë masa ndaj tij, e ashtu se përse e ka fshehur këtë vepër penale. Mësohet se Prokuroria e Përgjithshme ka nisur verifikimin e tij.
