TIRANË– Deputeti i Partisë Demokratike Flamur Noka është përjashtuar nga seanca plenare. Kryetarja e Kuvendit Lindita Nikolla pas disa paralajmërimeve për shkak të blllokimit të foltores vendosi përjashtimin e deputetit demokrat.
‘Është turp për këdo që ju shikon. Merret masa e përjashtimit për Flamur Nokën nga seanca plenare pasi po zaptoni Foltoren.’– u shpreh Nikolla.
Seanca e sotme plenare që në nisje të saj nisi me debate të forta mes Flamur Nokës dhe Lindita Nikollës dhe brenda vetë demokratëve. Shkak për këtë u bë etiketimi i deputetëve që mbështesin Sali Berishën si deputetë jashtë grupeve parlamentare. Nikolla në përgjigjen e saj iu drejtua deputetit demokrat se ky është një vendim që merret brenda partisë dhe nuk e vendos Kuvendi. Më pas debati prevaloi në përplasje verbale mes Flamur Nokës, Enkelejd Alibeajt, Tritan Shehur dhe Luan Baçit.
