GRAMSH– 43-vjeçari Andrea Dervishi, i cili mbeti i bllokuar për 24 orë në kanionin e Holtës ka folur për mediat pas shpëtimit të tij nga RENEA. Ai tha se aty ishtr një tmerr i vërtetë dhe nuk ka për të shkuar më aty.
Andrea Dervishi: Më pëlqen natyra. Ngecëm aty. Zbritëm poshtë, nuk kishim mundësi të ngjiteshim. Lartësia ishte diku te 500 metra. Isha 200 metra në thellësi dhe mbeta aty. Njoftova policinë. Ndeza zjarr për t’u ngrohur. Erdhi alpinisti. Ishte shumë e frikshme. Falenderoj policinë e Gramshit, zjarrfikëset dhe RENEA-t, i falenderoj se nuk do të dilja gjallë. E përballova me zjarr të ftohtin. E mendoni dy herë nëse shkoni në të tilla terrene. Nuk do të shkoja përsëri atje, ishte tmerr i vërtetë.
Po çfarë thotë legjenda?
Ka një legjendë që thotë se kur mbretëreshë Teuta po humbiste luftën me Romën u tërhoq në malet mes Gramshit dhe Pogradecit dhe thuhet se aty fshehu thesarin e saj. Gojëdhënat flasin për një vend ku u fshehën ar, argjend, stoli dhe gurë të çmuar, që u ngarkuan me 40 munshka dhe u fshehën. Fillimisht u devijua rrjedha e lumit e u gropos thesari, më pas u vendos muri i kalasë, e më pas ridevijuan rrjedhën e lumit. Legjenda është transmetuar brez pas brezi, por deri më sot nuk ka pasur asnjë të dhënë se legjenda është e vërtetë.
