DEVOLL-Është zbardhur dëshmia e 62-vjaçarit Vasil Babinis, i cili goditi me sëpatë bashkëfshatarin pas një sherri momental. Mësohet se para hetuesve 62-vjeçari ka thënë se ka qenë i dehur në momentin kur e ka goditur dhe nuk mban mende asgjë se çfarë ka ndodhur.
Konflikti mes të moshuarëve nisi pas një zënke për një lojë me letra që ata po luanin në një lokal të fshatit. Por sherri i nisur aty ka vazhduar dhe më pas duke u zhvendosur në shtëpinë e 73-vjeçarit. Në fillim e gjithë ngjarja u raportua si aksidentale referuar dhe nga dëshmia e 73-vjeçarit të plagosur. Por hetimet zbuluan se kemi të bëjnë me një vreasje të mbetur në tentativë. Pas konstatitimit të ngjarjes Vasil Babinis është vënë në pranga. Ai e goditi me sëpatë prapa kokës fqinjin. I moshuari është nisur drejt Traumës në Tiranë për mjekim më të specializuar.
