DURRËS– Nëna e 17-vjeçarit Alban Vela, i cili u arrestua pak ditë më parë nga policia e Durrësit për shpërndarjen e kokainës së bashku me disa të rinj të tjerë të cilët ishin të ‘famshëm’ në Tik Tok ka folur këtë të hënë për mediat ku ka dhënë detaje në lidhje me arrestimin e të birit. Ajo tha se i kishte kërkuar djalit që të mos merrej me shpërndarjen e drogës, por pjesa tjetër e grupit ia kishte mbushur mendjen. Sipas saj i bri kishte vetëm rolin e shpërndarit pasi droga sigurohej nga “kokat e mëdha” emrat e të cilëve nuk I tha.
Nëna e 17-vjeçarit: Unë i thoja të mos merrej, por ia mbushnin mendjen ata të mëdhenjtë, e merrnin ato kokat e mëdha. E kanë përdor si leckë. Nuk e di çfarë bënte çuni, shpërndante. Burrin e kam pa këmbë, vet në punë, djalin tjetër e kam të vogël, gocën të martuar, çunin tjetër e kam në Spanjë. Veç po u mor çuni në Spanjë me këtë. Atë ditë më morën në telefon dhe më thanë hajde se e kanë kap çunin. Unë i thashë që e kam lënë në shtëpi, jo më thanë hajde se e kanë kapur. Kisha disa herë që e mbyllja të mos dilte më, sepse përfundonte duke u përdorur nga këta.
