Flet për herë të parë Naomi Campbell  /Vajza më ndryshoi jetën

Një nga modelet më të famshme në botë Naomi Campbell ka folur për vitin e parë të mëmësisë dhe si jeta e saj ndryshoi.

“Prioriteti im tani është vajza ime… E vë në gjumë çdo natë. E adhuroj kur ndjej frymëmarrjen e saj mbi mua. Vajza ime është vetëm një vjeç, por tashmë është një personalitet i vogël”. Dhe shton: “Unë e shoh karakterin e saj: është shumë e vendosur, plot gëzim, kurioze dhe dinamike. Ajo tashmë ka filluar dhe të ecë dhe po mëson gjëra me një shpejtësi të mahnitshme. E marr me vete kur udhëtoj.”

Modelja nuk ka ndarë shumë informacione për vajzën e saj ndërsa i ka habitur të gjithë me njoftimin e lindjes së saj. Madje, në rrjetet sociale ka pasur reagime për moshën dhe mënyrën se si ajo zgjodhi të bëhej nënë. 

“Jam e bindur se çdo grua e di se kur është gati të ketë një fëmijë. Vajza ime erdhi në kohë. Ndjenja nuk ka të bëjë fare me moshën – është përvoja, instinkti dhe momenti. E kam ditur gjithmonë që një ditë do të bëhesha nënë, por nuk e kuptoja se sa shumë do të më mbushte me gëzim një bebe”, shtoi modelja për “Madame Figaro”.