TIRANË– Bllokohet sistemi TIMS në pikat kufitare me Greqinë, shkak për këtë besohet të jetë bërë fluksi i lartë i emigrantëve që po kthehen në Greqi pas festave të fundivitit të kaluara pranë familjeve të tyre. Sipas “A2 CNN” defekti ka zgjatur vetëm disa minuta, pasi është rikthyer sërish për të vijuar me kalimin e udhëtarëve në drejtim të Greqisë ose anasjelltas.
Probleme të shumta janë raportuar në pikën kufitare të Kakavijës, e cila është përballur dhe me fluksin më të lartë të emigrantëve gjatë ditës së sotme. Momentalisht në këtë pikë kufitare po punohet vetëm me tre sportele ndërkohë pala greke po punon me dy sportele në hyrje dhe dy në dalje gjë që ka shkaktuar dhe fluksin e mjeteve.
Numra rë lartë janë shënuar edhe në pikat e tjera, pasi në Kapshticë në datën 1 janar kanë hyrë 1343 shtetas dhe kanë dalë 2617, ndërsa në Qafë-Thanë, kanë hyrë 1492 dhe kanë dalë 1904 shtetas.
