SHKODËR-20-vjeçarja e identifikuar me inicialet R.P, e cila u përfshi ditën e djeshme në një aksient rrugor në aksin Shkodër-Lezhë është vënë këtë të hënë në prangat e Policisë së Shkodrës. E reja teksa drejtonte mjetin tip “Porsche” ka dalë nga rruga duke lënë të plagosura dy mikeshat e saj që udhëtonin me të në mjet. Për shkak të plagëve të marra ato janë dërguar në spitalin e Traumës në Tiranë për mjekim më të specilizuar.
NJOFTIMI I POLICISË:
Në vijim të informacionit paraprak të dhënë më datë 20.05.2023, për një aksident në aksin rrugor “Shkodër – Lezhë”, në fshatin Melgushë, ju bëjmë me dije se specialistët për Trafikun Interurban dhe Urban të DVP Shkodër arrestuan shtetasen R. P., 20 vjeçe, banuese në fshatin Mali i Jushit, Vau i Dejës, pasi duke drejtuar automjetin tip “Porsche”, ka humbur kontrollin mbi drejtimin e tij dhe për pasojë automjeti ka dalë nga rruga. Nga ky aksident kanë mbetur të dëmtuara pasagjeret në këtë automjet, shtetasja D. N. dhe shtetasja ukrainase I. K., të cilat marrin asistencë më të specializuar mjekësore, në Spitalin e Traumës, Tiranë.
