TIRANË– Ministrja e Ekonomisë dhe Financave Delina Ibrahimaj ka mbajtur këtë të martë një konferencë për mediat ku ka bërë dhe bilancin ekonomik dhe financiar për 3-mujorin e parë të vitit. Gjatë fjalës së saj ajo u ndal dhe tek forcimi i lekut në krahasim me euron ku rënditi dhe faktorët që sipas saj ndikuan. Ministrja tha se “forcimi i lekut ndaj euros vjen si pasojë e strukturës së ekonomisë, performancës, sidomos me forcimin e ekspertëve të turizmit dhe me rritjen e investimeve të huaj që kanë sjellë kapitale në valutë. Një nga elementët që e ka mbajtur inflacionit ka qenë kursi fleksibël“.
Delina Ibrahimaj: Remitancat kanë vijuar të rriten, janë rritur me 29.5 milionë euro. Lidhen me shqetësimin e kohëve të fundit që ka ardhur nga disa biznese, për ecurinë e kursit të këmbimit. Në vitin 2023 kemi pasur një rritje të ndjeshme të lekut. Më e ndjeshme ka qenë ecuria e lekut në krahasim me euron. Forcimi i lekut ndaj euros vjen si pasojë e strukturës së ekonomisë, performancës, sidomos me forcimin e ekspertëve të turizmit dhe me rritjen e investimeve të huaj që kanë sjellë kapitale në valutë. Një nga elementët që e ka mbajtur inflacionit ka qenë kursi fleksibël.
