TIRANË– Pak javë pas denoncimit të prindërve Gjykata e Tiranës do të hapë çështjen dhe do të nisë hetimet në lidhje me denoncimin e bërë nga prindërit e fëmijës që rezulton i infektuar me HIV. Ata akuzojnë QSUT-në se fëmija i tyre është infektuar me HIV në ambientet e Pediatrisë kur ka qenë i shtruar. Raportohet se Gkjyakat e Apelit ka urdhëruar gjykatën që të hapë çështjen e foshnjës me HIV, pas insistimit të familjes.
Fëmija rezultoi i infektuar me HIV më 27 nëntor të viti 2021. Prindërit dyshojnë se foshnja e tyre e ka marrë infeksionin gjatë kohës që ka qenë i shtruar në reanimacionin e pediatrisëpasi vuante nga bronkopneumonia. Prindërit pavarësisht se prej dy vitesh kërkojnë drejtësi nga institucionet, të cilat në lidhje me këtë rast kanë heshtuar dhe nuk kanë dhënë sqarime. Prindërit, përforcojnë akuzat ndaj spitalit, pasi në dy teste që kanë kryer, si në shtetin gjerman dhe atë italian, kanë rezultuar negativë nga HIV-i.
