LEZHË- Një aksident i katërfishtë është regjistruar ditën e sotme në aksin rrugi Lezhë-Shëngjin.
Mësohet se një automjet, i cili lëvizte me shpejtësi ka goditur një person që lëvizte me biçikletë dhe 3 automjete të tjera që ishin të parkuara para një lokali.
Raportohet se si pasojë e aksidentit ka mbetur i plagosur drejtuesi i biçikletës, i cili është dërguar menjëherë në Spitalin Rajonal të Lezhës.
Deri më tani shkaku kryesor i aksidentit dyshohet se është bërë shpejtësia përtej normave të lejuara por edhe lagështia në rrugë për shkak të reshjeve të dendura të shiut gjatë natës të cilat kanë vijuar edhe ditën e sotme
Ndërkohë lidhur me ngjarjen Policia ka ngritur një grup hetimor dhe po punon për zbardhjen e plotë të saj.
