KURBIN– Një aksident i rëndë është regjistruar këtë të martë në aksin e autostradës Mamurras – Fushë Krujë. Raportohet se një makinë tip “Benz” ka dalë nga rruga dhe ka përfunduar duke u përplasur fort me murin anësor të një biznesi duke e shembur atë. Siç mund të shihet dhe në fotot e mbërritura në redaksinë Newszone aksidenti ka qenë i fortë duke e “shkërmoqur” pjesën e përparme të mjetit dhe ka krijuar një vrimë të madhe në mur.
I plagosuri është transportuar me urgjencë drejt spitalit të Traumës por fatkeqësisht nuk ka mundur t’u mbijetojë plagëve të marra si pasojë e aksidentit të rëndë. Grupi hetimor i ngritur për hetimin e aksidentit po punon për zbardhjen e plotë të shkaqeve të tij.
