KORÇË– Një aksident i rëndë është regjistruar mëngjesin e kësaj të marte në aksin rrugor Korçë-Devoll në fshatin Çifliq ku një makinë tip “Ford” ka humbur kontrollin dhe ka dalë nga rruga duke u përplasur me trafikndarësen. Për pasojë ka mbetur i plagosur rëndë drejtuesi i mjetit, i cili është dërguar menjëherë në spital dhe ndodhet nën kujdesin e mjekëve. Siç shihet dhe nga pamjet makina është bërë “copash” pasi përplasja ka qenë e fortë.
NJOFTIMI I POLICISË:
Më datë 25.07.2023, rreth orës 09:10, në aksin rrugor “Korçë-Devoll”, pranë fshatit Çiflig, Korçë, shtetasi O. P., duke drejtuar një automjet tip “Ford”, dyshohet se ka humbur kontrollin mbi drejtimin e tij dhe automjeti ka dalë nga rruga. Për pasojë është dëmtuar drejtuesi i automjetit, i cili u transportua për mjekim në spitalin e Korçës. Grupi hetimor po punon për përcaktimin e shkakut të aksidentit.
