LEZHË– Një aksident rrugor është regjistruar pak më parë në autostradën Lezhë-Milot në vendin e quajtur “Kryqëzimi i Rrilës”. Raportohet se dy makina janë përplasur me njëra-tjetrën e për pasojë një prej shoferëve është plagosur.
Mësohet se ai ndodhet jashtë rrezikut për jetën dhe është dërguar në Spitalin Rajonal të Lezhës ku ndodhet nën kujdesin e mjekëve. Policia ka mbërritur në vendin e ngjarjes dhe grupi hetimor po punon për zbardhjen e plotë të rrethanave të aksidentit.
