SHKODËR– Një aksident i rëndë është regisitruar mesditën e sotme në lagjen “Bahçallëk” në Shkodër. Raportohet se një kamion është përplasur me një eskavator dhe për pasojë është shembur mbilkalimi në këtë. Fatmirësisht nuk ka persona të lënduar. Si pasojë e aksidentit është krijuar trafik i rënduar duke bërë që Policia Rrugore të bëjë devijimin e makinave për në hyrje të Shkodrës.
NJOFTIMI I POLICISË:
Shkodër/Informacion paraprak Rreth orës 12:00, është shembur pjesërisht mbikalimi i këmbësorëve, në vendin e quajtur “Ura e Bahçallëkut”. Në momentin e shembjes, nuk ka patur në lëvizje automjete dhe as këmbësorë. Në vendngjarje janë shërbimet e Policisë, shërbimet e zjarrfikëses dhe të Entit Pronar të Rrugës, të cilët po punojnë për hapjen e rrugës. Grupi hetimor ndodhet në vendngjarje dhe nën drejtimin e Prokurorisë, po punon për zbardhjen e shkakut të shembjes së mbikalimit.
