TIRANË– Ish-ministri i Ekonomisë Arben Ahmetaj ka mbërritur mesditën e kësaj të enjteje në ambientet e Prokurorisë së Posaçme Kundër Korrupsionit dhe Krimit të Organizuar (SPAK). Menjëherë pas tij ka mbërritur dhe avokati i ish-ministrit. Nuk dihet ende se për çfarë është thirrur nga SPAK por nuk përjashtohet mundësia e komunikimit të ndonjë akuze nga ana e prokurorëve të Prokurorisë së Posaçme.
Ish-ministri Arbnen Ahmetaj është nën hetim nga Prokuroria e Posaçme Kundër Korrupsionit dhe Krimit të Organizuar (SPAK) për veprat penale: “Korrupsion”, “shpërdorim detyre”, “fshehje e pasurisë” dhe “pastrim parash”. SPAK ka sekuestruar disa vila që janë pronë e ish-gruas dhe partneres aktuale të Ahmetajt.
