TIRANË– Agron Çela, tashmë deputet i Partisë Socialiste nuk ka ndërruar vetëm partinë ku do të aderojë tani e tutje por dhe vendin ku ulet në Kuvend. Kështu në seancën e sotme plenare ai është parë të ulet në krahun e të majtëve. Ai ka zgjedhur që të jetë pranë deputetit tjetër të Shkodrës Paulin Sterkaj.
Agron Çela tashmë është zyrtarisht deputet i Partisë Socialiste pas largimit të tij nga Partia e Lirisë disa ditë më parë. Fjalët për largimin e tij kishin qarkulluar javë më parë por ai vetë nuk kishte pranuar asgjë ndërsa kreu i Partisë së Lirisë Ilir Meta e mohoi diçka të tillë. Së fundmi ai u pa në një takim me kryeministrin Edi Rama në kryeministri ndërsa festat e fundvitit zgjodhi ti festojë me socialistët e Shkodrës dhe të deleguaren e PS-së në këtë qark Elisa Spiropali me të cilën dhe kërceu e i dedikoi këngë.
