TIRANË– Rrëfimi i këngëtarit Luiz Ejlli në shtëpinë e Big Brother Vip Albania ka trazuar opinionin publik duke e ndarë si me thikë në dy pjesë. Por në një kohë ku Luizi nuk ndodhet në gjendje jo të mirë emocionale pasi thuajse të gjithë banorët i kanë kthyer shpinën bashkë me to dhe Kiara, e parapëlqyera e tij, piloti i famshëm i edicionit të kaluar në BBVA ka menduar të surprizojë Luizin. Siç shihet në foto ai ka vendosur të ngrihet sërish në qiell këtë herë për këngëtarin dhe ka një mesazh shumë të rëndësishëm për të.
“Forca kampion. Jemi me ty, ne të besojmë”, shkruhet në posterin e krijuar për të.
Mbrëmjen e djeshme mbarë opinioni publik u shokua nga deklaratat kontradiktore të Luiz Ejllit në shtëpinë më të famshme në Shqipëri. Kështu ai në fillim i kishte rrëfyer moderatores Kiara Tito se vuan nga një sëmundje e keqe dhe se mund të kurohet vetëm në 11 klinika në botë dhe ai që nga gushti do të niste kurimin në klinikën e Bergamos në Itali. Por natën e mbrëmshme në “Prime” ai mohoi të ishte i sëmurë duke thënë se në fakt i është referuar një mikut të tij të cilit vednosi të mos ja bëjë publik emrin. Kjo bëri që të krijohej një zhurmë e madhe dhe banorët të kërkonin ndëshkim për këtë “gënjeshtër” të Luizit. Kiara, e cila e ndjen veten më të prekurën në këtë histori që nga mbrëmja e djeshme ka krijuar një bllokadë në marrëdhënien e saj me Luizin.
