GREQI– Një aksion i Forcave Speciale greke është kryer ditën e sotme në qelitë e burgjeve të Domokos. Lajmi është raportuar ditën e sotme nga mediat greke. Raportohet se kontrollet janë kryer në shtatë qeli, ku në njërën prej tyre ishte dhe shqiptari Alket Rizai. Nga ky kontroll u gjetën dhe u sekuestruan në cilësinë e provës materiale sende të kundraligjshme si thika telefona dhe sende të tjera.
1 celular, karta, shkopi i mbështjellë dhe thika janë gjetur tek Alket Rizai. Kontrollet bëhen për zbulimin e të dhënave mbi vrasjen në Nea Smyrni të Kreshnik Çerçizajt dhe Armando Ogranajas. Pak ditë me parë u kontrolluan qeli dhe në burgun e Hanias. Alket Rizai është një nga shqiptarët më të famshëm në Greqi, për shkak të arratisjeve të tij spektakolare nga burgjet greke. Ai është denuar me burgim të përjetshëm.
SENDET E SEKUESTRUARA:
5 hekura të improvizuara, 7 kaçavida, 2 thika, shkop i përbërë nga tre pjesë të bashkuara dhe të lidhura me leckë, 5 celularë me karta SIM, 8 karikues dhe 3 fisha USB, 17 USB stick, orë smartwach me karikues, 4 pirunë metalikë dhe pjesë piruni metalik, kufje me fish dhe pa fish, 2 tehe, brisk i improvizuar dhe brisk i vendosur në një kashtë druri, copë pecikllazi dhe një shpatull metalike.
