TIRANË– Tre të rinjtë që po shihni në foto janë viktimat e aksidentit tragjik të ndodhur mbrëmjen e djeshme në rrethrrotrullimin e Saukut ku “Audi” me shpejtësi “skëterrë” që drejtohej nga 20-vjeçari Klevis Ruçaj doli nga rruga duke çarë barrierat anësore duke rënë mbi një makinë që po ecte në rrugë. Dy vajzat Eriselda Abedini banuese ne Tirane dhe Sikela Përroj, 23-vjeçe dhe kjo banuese në Tiranë ndërruan jetë pak minuta pas aksidentit ndërsa i riu Klevis Ruçaj ndërroi jetë në orët e vona të mbrëmjes.
Mësohet se Sikela Përroj, ishte nga Shalësi i Cërrikut dhe jetonte në Tiranë. Perroj kishte mbaruar shkollën për Gazetari, ndërkohë prindërit e të resë mësohet se jetonin jashtë.
