TIRANË– Indrit Aliu është 39-vjeçari i arrestuar këtë të premte nga Policia e Tiranës nën akuzën e mashtrimit pasi u premtonte tendera biznemenëve të ndryshëm dhe iu merrte paratë por pa iu “kryer punë”. Aliu nuk është një emër i panjohur për drejtësinë dhe Policiën, ai ka qenë i dënuar për të njëjtën vepër penale në vitin 2011 me 10 vjet burg.
Raportohet se Aliu u prezantohej biznesmenëve si zyrtar i lartë dhe u premtonte tendera nga Ministria e Infrastrukturës në lidhje me minierat dhe ndërtimin. Ka qenë kallëzimi i një biznesmeni në Policinë e Tiranbës ajo që ka vënë në lëvizje bliutë e kjryeqytetit,
Për të joshur biznesmenët ai kishte hapur dhe një zyrë për ta bërë sa më të besueshëm “aktivitetin” e tij. Aliu pretendonte se kishte njohje brenda ministrisë dhe kundrejt shumave te parave mund t’u jepte tenderat qe ata kërkonin.
NJOFTIMI I POLICISË:
DVP Tiranë/Finalizohet operacioni policor i koduar “The eye”. Operacioni u zhvillua nga Seksioni për Hetimin e Krimeve Ekonomike dhe Financiare, në bashkëpunim me Sektorin e Forcës së Posaçme Operacionale të DVP Tiranë dhe Komisariatin e Policisë Rinas, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë. Përvetësoi shuma të konsiderueshme parash, nëpërmjet mashtrimit, duke u premtuar tendera, biznesmenëve të ndryshëm, vihet në pranga një 39-vjeçar. Sekuestrohen 2 aparate celulare, kontrata dhe dokumente të ndryshme, të cilat i arrestuari i përdorte për skemën e tij të mashtrimit. Specialistët e Seksionit për Hetimin e Krimeve Ekonomike dhe Financiare, në bashkëpunim me Sektorin e Forcës së Posaçme Operacionale të DVP Tiranë dhe Komisariatin e Policisë Rinas, në vijim të punës për goditjen e veprimtarisë kriminale në fushën e krimeve ekonomike, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, kanë organizuar dhe finalizuar operacionin policor të koduar “The eye”. Si rezultat i këtij operacioni u bë arrestimi i shtetasit I. A. (K)., 39 vjeç, banues në Tiranë, për veprën penale “Mashtrimi” me pasoja të rënda, i dënuar më parë për të njëjtën veprimtari kriminale. Nga verifikimet e kryera ka rezultuar se ky shtetas, nëpërmjet mashtrimit, ka përvetësuar shuma të konsiderueshme parash, nga biznesmenë të ndryshëm, duke u prezantuar si zyrtar i lartë në institucione, dhe në këmbim të shumave monetare, iu ka premtuar atyre tendera të ndryshëm. Në cilësinë e provës materiale u sekuestruan 2 aparate celulare, kontrata dhe dokumente të ndryshme të cilat autori i dyshuar i përdorte për skemën e tij të mashtrimit. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
