TIRANË– Ky është 49-vjeçari Edmond Papa që u vra me 9 plumba pasditen e sotme në një lokal në zonën e ‘Selitës’ në Tiranë. Ai u ekzekutiua brenda në lokal nga një person ende i paidentifikuar nga Policia.
Fillimisht ai u dërgua në spitalin e Traumës por nuk mundi ti mbijetonte plagëve të marra nga plumbat. Viktima është pronari i një hoteli në zonën e Sarandës me emrin ‘Blu Sky’ si dhe i disa pronave në zonën e Ksamilit. Policia dyshon se shkak për vrasjen e tij mund të jetë bërë larja e hesapeve duke u nisur nga e shkuara e tij kriminale në Britaninë e Madhe ku akuzohej për trafik droge. Ndërkohë viktima rezulton të jetë dënuar në Greqi për trafik droge.
