TIRANË– Personi që shihni në foto është mjeku Nazmi Metaliu i arrestuar mëngjesin e kësaj të premteje për korrupsion. 63-vjeçari në bashkëpunim me mjekun imazherist Astrit Mansakun u merrnin qytetarëve para për të bërë skaner.
Ata ishin vënë prej 3-javësh nën “shënjestrën” e hetuesve të cilët kishin dokumentuar me fakte të gjitha shkeljet dhe aktet korruptive të bëra prej tyre. Mjeku poston shpesh fotot në rrjetet sociale me kolegët në ambientet e punës apo dhe kur punon. Po ashtu shihet dhe një fotot e tij gjatë kohës së pandemisë ku ai mban në dorë një letër drejtuar qytetarëve ku shkruan: “Unë rri në shërbim, ti qëndro në shtëpi”.
Mësohet se rasti në Prokurorinë e Tiranës në lidhje me korrupsionin që bënin mjekët e QSUT-së është bërë nga një qytetare. Dy mjekët në bashkëpunim me njëri-tjetrin u kërkonin qytetarëve shumë të ndryshme për të marrë shërbimin e skanerit. Kjo shumë sipas të dhënave varionte nga 100-150 mijë lekë të vjetra.
