TIRANË– Tefik Tashi, 58-vjeçari që vrau me sëpatë kunatën Alma Qevani pak ditë më parë ka dalë këtë të shtunë para togave të zeza në Elbasan. Siç shihet dhe në foto ai është shfaqur me kokën ulur ndërsa sytë i mbante mbyllur. Para togave të zeza ashtu si dhe para hetuesve ai ka deklaruar se krimin makabër e ka kryer pasi kunata e ka ofenduar.
Tefik Tashi: Kishte kohë që më ofendonte nuk munda ta duroj dot, ma thoshte sa herë madje edhe në prani të familjarëve fjalën impotent.
Ngjarja e rëndë është regjistruar pak ditë më parë në fshatin Kusarth të Elbasanit, ku Tefik Tashi ekzekutoi me sëpatë kunatën e tij Alma Qevani në prani të gruas. Ai e ka goditur disa herë me sëpatë në trup e kokë Qevanin duke e lënë të vdekur nga plagët e marra. Pas ngjarjes me sëpatën në dorë ai doli në rrugët e fshatit duke vrapuar në tentativë për t’iu larguar policisë.
