TIRANË– Policia e Shtetit ka zbardhur vrasjen e biznesmenit Edmond Papa në zonën e Selitës. Kështu siç tregojnë edhe fotot e postuara prej tyre në rrjetet sociale dy të akuzuarit si planifikuesit por dhe ekzekutorët e Paës Albano Velo dhe Andrw Bode janë miq me njëri-tjetrin dhe darkonin shpesh së bashku. Velo u vu në pranga një ditë më parë në aeroportin e Rinasit kur po kthehej nga Franca, vend në të cilin kishte ikur katër ditë pas ngjarjes për të fshehur gjurmët. Ndërkohë Bode është shpallur në kërkim nga Policia.
Në foto ata shihen nën shoqërinë e njëri-tjetrit duke ngrënë darkë e pirë verë në shoqërinë edhe të personave të tjerë. Po ashtu policia dyshon se ngjarja mund të ketë ndodhur për hakmarrje pasi të dy rezultojnë të jenë miq të ngushtë të 27-vjeçarit Aleksdandër Sadikaj të ekzekutuar në afërsi të rrethrrotullimit të TEG-ut. Po e po ashtu nuk përjashtohet mundësia që ata të jenë dhe vrasës të paguar nga dikush tjetër që donte të “hiqte qafe” Edmond Papën.
Edmond Papa u ekzekutua me 9 plumba brenda një lokali në zonën e Selitës në Tiranë më 16 dhjetor të vitit të shkuarshumë pak metra larg nga shtëpia e të vëllait ku kiishte dhe nënën e sëmurë që e kishte sjellë për ta vizituar. Autorët e kishin ndjekur “këmba këmbës” prej ditësh dhe kishin pritur momentin e duhur për të larë hesapet. Autori hyri qetësisht në lokal dhe qëlloi plot 9 herë në drejtim të tij duke e lënë të rrëzuar në tokë. Pak minuta më pas ai ndërroi jetë. Më pas autori ka dalë nga lokali dhe ka ikur në fund të rrugës ku e ka pritur bashkëpunëtori i tij dhe më pas të dy do të largoheshin pa lënë gjurmë. Kapja e tyre erdhi falë kamerave të sigurisë në zonë të cilat u sekuestruan nga Policia.
