TIRANË– Bulevardi ‘Dëshmorët e Kombit’ është ‘blunduar’ nga dhjetëra forca policie dhe të Gardës së Republikës, në kuadër të masava të marra për samitin e BE-së por dhe protestës së opozitës, e cila është thirrur për në orën 12:00.
Sot në Tiranë do të mbahet samiti BE-Ballkani Perëndimor. Në samiti do të marrin pjesë 27 liderë të Bashkimit Evropianë si dhe një numër prej 32 delegacionesh mike. Samiti i BE-Ballkani Perëndimor zhvillohet për herë të parë në Shqipëri, në një klimë të tensionuar politike, ku opozita ka paralajmëruar se po sot do të zhvillojë një protestë për të treguar se kush është qeveria. Ndërkohë që në samit do të diskutohet lufta në Ukrainë, migracioni, lufta kundër terrorizmit dhe krimit të organizuar si edhe përforcimi i sigurisë. Samiti do të kulmojë me një konferencë të përebashkët të kryeministrit shqiptar, Edi Rama dhe presidentes së KE, Ursula Von Der Leyen.
