TIRANË– Kryeministri Edi Rama i shoqëruar dhe nga familjarët e 4 viktimave të protestës së 21 janarit 2011 kanë zhvilluar sot homazhe në bulevardin “Dëshmorët e Kombit”. Ata vensosën karafila në vensin ku u vranë Ziver Veizi, Faik Myrtaj dhe Hekuran Deda dhe Aleks Nika.
Pas vendosjes së karafilave në bulevard kreu i qeverisë mblidhi rrethin e ngushtë të familjarëve në Kryeministri ku u zhvillua rituali i përvitshëm përkujtimor.
21 janari është cilësuar si një ditë e trishtë për demokracinë shqiptare. Proteata e thërritur nga Partia Socialiste asokohe në opozitë doli nga kontrolli duke u shndërruar në një protestë të dhunshme ku protestuesit dhe policia u përplasen me njëri-tjerin për më shumë se tetë orë. Por ajo që ndodhi në orë e pasdites do të shënonte një bilanc tragjik me katër të vrarë. Garda e Republikës hapi zjarr duke lënë të vdekur në Bulevardin “Dëshmorët e Kombit” 4 protestuesi: Ziver Veizi, Faik Myrtaj dhe Hekuran Deda dhe Aleks Nika. Partia Socialiste do e cilësonte krim shtetëror atë që ndodhi ndërsa Partia Demokratile në qeveri do akuzomte opozitën socialiste për grusht shteti. Ende sot drejtësia është e lënë përgjysmë. Në lidhje me ngjarjen u morën të pamdehur Ndrea Prendi dhe Agim Llupo, ndërsa gjykata vlerësoi me vendim se vrasjet kanë ndodhur nga pakujdesia. Të dy të pandehurit u dënuan, Ndrea Prendi me 1 vit ndërsa gardisti Agim Llupo me 3 vite burg. Familajrët e viktimave prej 12 vitesh kërkojnë drejtësi ndërsa akuzat politike rishfqen para çdo fushate elektorale. Arena politike dhe e drejtësisë do e turbullonte një audiopërgjim i publikuar mbrëmjem e djeshme nga gazetari Artan Hoxha. Në audiopërgjimin e siguar nga shërbimet e huaja zbardhet urdhëri i marrë për të hapur zjarr ndaj protestuesve duke hedhur poshtë pretendimet për vrasje nga pakujdesia. Në pritje të mbarimit të retorikës politike zbardhja e ngjarjes së rëndë mbetet në dorë të drejtësisë.
