ELBASAN– Flakët që përfshinë fabrikën e sfungjerit në Katund të Ri të Elbasanit bënë që zona të mbulohet nga tymi i zi. Siç duket edhe në pamje zjarri masiv ka krijuar shtëllunga të mëdha tyme. Neutralizimi i flakëve ka qenë i vështirë për shkak të zjarrit masiv. Fatmirësisht nuk raportohet për dëme në njerëz por vetëm materiale. Fabrika është në pronësi të 53-vjeçarit Florenc Salibashi,
NJOFTIMI I POLICISË:
Elbasan Rreth orës 10:20, në fshatin Katund i Ri, Elbasan, ka rënë zjarr në një subjekt privat (fabrikë për prodhimin e sfungjerit), në pronësi të shtetasit F. B., 53 vjeç., banues në lagjen “Dyli Haxhire”, Elbasan. Si pasojë, janë shkaktuar vetëm dëme materiale. Paraprakisht, dyshohet se zjarri ka rënë si pasojë e një defekti në sistemin elektrik të objektit të këtij biznesi. Shërbimet zjarrfikëse vijojnë punën për shuarjen e zjarrit. Grupi hetimor ndodhet në vendngjarje, me qëllim zbardhjen e shkakut të rënies së zjarrit.
