KORÇË– Një granatë ka shpërthyer në një banesë në fshatin Bulgarec në Korçë. Raportohet se fatmirësisht nuk ka persona të lënduar pasi banesa ka qenë bosh.
Pronarët e saj kanë ndërruar jetë 4 vite më parë dhe nuk kanë fëmijë. Policia dhe grupi hetimor po punojnë për zbardhjen e plotë të ngjarjes.
Eqerem Leshnja, kushëriri i parë i pronarit, ka thënë para oficerëve të policisë se ata kanë një konflikt familjar, mosmarrëveshje për pronën, pasi kërkojnë pjesë edhe motrat, sipas tij është hera e dytë që ndodh kjo ngjarje, por nuk di se ku të dyshojë.
