TIRANË– Kjo e enjte ka shënuar dhe takimin e parë mes kryeministrit Edi Rama dhe ambasadores amerikane Yuri Kim pas skandalit të arrestimit të ish-agjentit të FBI-së Charles McGonigal. “Sebep” për këtë takim u bë ardhja në Tiranë e Ndihmës Sekretares për Byronë e Popullsisë, Refugjatëve dhe Migracionit, Julieta Valls Noyes, e cila erdhi ditën e djeshme në Tiranë për të diskutuar për çështjen e afganëve. Në takim ishte e pranishme dhe Ministrja për Europën dhe Punët e Jashtme Olta Xhaçka dhe minsitrja për Marrëdhëniet me Parlamentit Elisa Spiropali.
Ajo që e bën të çuditshme këtë takim është fakti se ambasadorja Kim nuk ka publikuar asnjë foto. Nuk dihet arsyeja por mbase ka një “hatërmbembejtje” mes saj dhe kryediplomates shqiptare Olta Xhaçka pas deklaratës së ministrisë së Jashtme për largimin e ambsadores. Kim ka publikuar foto vetëm me Julieta Valls Noyes. Fotot nga takimi janë shpërndarë vetëm në faqen e ambasades së Shteteve të Bashkuara të Amerikës në Tiranë.
Siç duket edhe në foto duket se tashmë është fakt se mes ambasadores Kim dhe kryeministrit Edi Rama janë ngritur disa barriera dhe një mur i “akullt”. Nuk diihet nëse arrestimi i ish-agjentit të FBI-së Charles McGonigal dhe lidhjet e tij me kreun e qeverisë kanë ndikuar në këtë qëndrim të Kim.
