SHKODËR– Detaje të reja kanë dalë në dritë nga ngjarja e rëndë e regjstruar në orët e para të mëngjesit në Shkodër ku shefit të Krimeve në këtë qark Pëllumb Shpatit iu vendos një sasi eksplozivi në banesë. Mësohet se shtëpia e zyrtarit të lartë të policisë nuk ka pasur kamera sigurie por disa kamera në zonë kanë filmuar momentin ku një person shkon drejt banesës në këmbë, vë lëndën plasëse dhe ikën pak metra më tutje ku e pret makina.
Pritet që të shikohen të gjitha kamerat e sigurisë në zonë për të parë nëse është filmuar autori i ngjarjes, i cili nuk ka vepruar i vetëm. Ndërkohë në lidhje me këtë ngjarja është ngritur një grup i posaçëm hetimor i përbërë nga drejtues të prokurorisë dhe policisë së Shkodrës po kryejnë veprimet proceduriale në banesë. Ndërkohë në vitin 2019 Pëllumb Shpatit i kanë plagosur vëllanë me thikë. Sipas njoftimit të policisë në atëkohe, bëhej me dije se pas një konflikti të çastit, në bashkëpunim me njëri-tjetrin, shtetasit me inicialet S. P., 36 vjeç, banues në Shkodër, A. M., 28 vjeç, dhe P. M., 29 vjeç, (vëllezër), kanë plagosur me thikë Shpatin, banues në Dobraç. Ky i fundit është vëllai i oficerit të policisë për vrasjet, Pëllumb Shpati.
Ndërkohë siç shihet edhe nga fotot shjpërthimi ka qenë i fortë pasi ka arritur të shembë një pjesë të murit rrethues të banesë si dhe ka dëmtuar makinat e parkuara në oborr. Shpati jetonte në vilën dy katëshe bashke me të vëllanë. Ndërkohë që familjarët janë alarmuar nga shpërthimi. Si shefi i Krimeve në Policinë e Shkodrës Pëllumb Shpani ashtu dhe i ati kanë thënë se nuk kanë probleme me askënd dhe presin që ngjarja të hetohet dhe të zbardhet.
