SERBI– Një ngjarje e turpshme është regjistruar këtë të martë në Kuvendin e Serbisë gjatë kohës që po flitej për çështjen e Kosovës. Mediat serbe kanë publikuar disa fotot të deputetit të Partisë Socialiste të Serbisë Zvonimir Steviç, i cili gjatë kohës që po diskutohej në sallë ai kishte ulur telefonin poshtë tavolinës dhe po shikonte filma porno.
Ndërkohë raportohet se Steviç ka dhënë dorëheqjen. Këtë e ka bërë vetë ai të ditur gjatë një prononcimi të shkurtër për mediat. 66-vjeçari është anëtar i Komisionit Parlamentar për Kosovën, dhe zëvendës anëtar i Komisionit për Çështje Kushtetuese dhe Legjislacion dhe zëvendës anëtar i Komisionit për Çështje Administrativo-Buxhetore dhe Mandat-Imuniteti.
‘Kam dhënë dorëheqjen nga posti i deputetit gjysmë ore më parë. Nuk mund të flas më, më telefononi sërish pas dy orësh’– tha shkurt Stevic per mediat.
Ndërkohë mediat serbe aludojnë se nuk kemi të bëjënë me një dorëheqje të dhënë me dëshirë por të imponuar. Ato shkruajnë se dorëheqja e tij është kërkuar nga kreu i SPS-së, Ivica Daçiç, i cili nuk e ka toleruar një akt të tillë.
“Ky është një skandal dhe një fatkeqësi. Duhet do të jepni dorëheqjen. Nuk mund të jesh më deputet sepse nuk e përballon dot këtë. Së dyti, kudo që të paraqiteni, çfarëdo që të thoni, gjithmonë do të mbeteni si një deputet që sheh porno. Ku ju lindi ideja për të parë porno në Kuvend?,”-mësohet se i ka thënë Daçiç.
Pas debatit me Daçiç, Stevçqi u përpoq të mbrohej duke treguar historinë e xhirimeve të të gjithë deputetëve, por atij iu tha qartë se ky nuk ishte justifikim për atë që bëri. Pas kërkesës së Daçiçit, i gjithë grupi parlamentar i socialistëve ra dakord që “Steviçi duhet të largohet nga Kuvendi”.
“Unë jam ushtar partie. Unë do të bëj atë që ju kërkoni,“, tha deputeti i dorëhequr.
