TIRANË– “Mësuesit janë guri i themelit të çdo shoqërie, e cila prosperon vetëm përmes mirënjohjes ndaj atyre që dhanë të tashmet e tyre për të tjera të ardhme.” Ky është mesazhi i kësaj të marte në këtë ditë të rëndësishme për të gjithë mësuesit ku efektivët e Policisë së Shtetit kanë gjetur një mënyrë krejt të veçantë për ti uruar. Në një postim në rrejet sociale Polica ka shpërndarë fotogalerinë e efektivëve të cilët sot kanë shpërndarë buqeta me lule për mësuesit e Tiranës.
POSTIMI I PLOTË:
Mësuesit janë guri i themelit të çdo shoqërie, e cila prosperon vetëm përmes mirënjohjes ndaj atyre që dhanë të tashmet e tyre për të tjera të ardhme.
Punonjësit e Policisë ndeshen çdo ditë me mësuesit e tyre, në rrugët e qarqeve ku kryejnë shërbimin. Të përzgjedhur për të mbajtur uniformën e Policisë së Shtetit, ata nuk janë më nxënës të vegjël, por garantë të denjë të ligjit dhe shtetit, të cilët gjatë patrullimit mëngjeseve të shkollës, gjejnë gjithmonë rastin të thonë “Punë të mbarë mësuese!”
Policia e Shtetit uron të gjithë mësuesit, GËZUAR 7 MARSIN. Gjithnjë të gatshëm për bashkëpunëtorët tanë kryesor, për edukimin e një shoqërie larg fenomeneve kriminale dhe që shkolla të mbetet tempulli i dijes, ku sundojnë libri, rregulli dhe normat më të mira qytetare.
