GREQI– Kryeministri Edi Rama ndodhet në një vizitë disa ditore në Greqi ndërsa mbrëmjen e djeshme kreu i qeverisë shqiptare u shfaq si artist dhe çeli eksopozitën e tij “Improvizime” me piktura dhe skulptura të tij. Në ceremoni ishin të pranishëm kryeministri grek Kyriakos Mitsotakis dhe ministri i Jashtëm Nikos Dendias. Kryeministri shoqërohej në Greqi nga bashkëshortja e tij Linda Rama dhe djali tyre i vogël Zaho.
Por duket se Zaho ia doli që t’i rrëmbente babait kryeministër gjithë vëmendjen e të pranishmëve pasi sytë e të gjithëve ishin tek ai bashkë me aparatet fototgrafik që e ndiqnin nga pas. Siç shihet edhe në foto ministri grek e mban për dorë gjatë kohës që ata po futen në sallë ndërsa gjatë gjithë mbrëmjen ka treguar kujdes të veçantë për të voglin e familjes kryeministrore.
Dhe kryeministri grek Kyriakos Mitsotakis tregon një vëmendje të veçantë për mysafirin e vogël. Në një moment i pari i qeverisë greke i afrohet afër dhe e pyet: “Ti je Zaho, kam dëgjuar shumë për ty”, dhe e përqafon më pas.
Kryeministri Edi Rama po zhvillon një vizitë disa ditore në shtetitn grek ku është takuar me zyrtarët e lartë. Ndërkohë këtë të martë ai ka pasur një takim dhe me kryetarin e Parlamentit të Greqisë Konstandinos Tasoulas, të cilit i ka dhuruar dhe një shishe verë.
