TIRANË– Të rinjtë e Foriumit Rinor të Partisë Demokratike kanë protestuar ditën e sotme para Strukturës së Posaçme Kundër Korrupsionit dhe Krimit të Organizuar ku kanë kërkuar që kryeministri Edi Rama të thirret për të dëshmuar në lidhje me arrestimin e ish-agjentit të lartë të FBI-së Charles McGonigal dhe lidhjet e tij me të. Të rinjtë me dosje në duar ku mbi secilën shkruhej një çështje që sipas tyre nuk hetohet apo zvarritet ata kërkuan që SPAK të veprojë. Në fund posterat e protestës së 11 shkurtit ku shfaqetr Rama dhe McGonigal i ngjitën në muret e jashte të Prokurorisë së Posaçme ndërsa dosjet i reshtuan para saj.
Arbër Kola: SPAK-u është një strukturë e cila është kthyer në një çekiç të kryeministrit në ikje për t’i tërhequr vëmendjen në bazë të dosjeve voluminoze që ka depozituar PD në këtë strukturë. Siç e parashikoni ne kemi paraqitur një pjesë të mirë të dosjeve që janë dosja e inceneratorëve, dosja e Teatrit, e patronazhistëve, e AKSHI-t, inceneratorit të Tiranës, Elbasanit, Fierit, dhe një seri të tjera dosjesh, ku më kryesorja dhe më demokracivrasësja është dosja e agjentit të FBI McGonigal. I bëjmë thirrje SPAK-ut që është bërë KAPS të mos të jetë më një vegël në dorën e një kryeministri që e shkel ligjin, por të kthehet dhe t’i vërë gishtin kokës për çështjet që paguhen nga taksat e shqiptarëve. Të dinë të bëjnë punën e tyre. Të dinë t’i dalin për zot ligjit, betimit që kanë bërë, t’i dalin për zot Kushtetutës dhe të mos kthehen në mburojë fasadë të një qeverie mafioze, të inkriminuar, një qeverie të korruptuar. Më këqijat e mundshme që mund të ketë një qeveri. T’i kthehet qytetarëve dhe të mbajnë përgjegjsi për pozicionin që kanë. Endrison Breçani: Përshëndetje të gjithëve. Faleminderit që keni arhdur dhe po transmetoni këto mesazhe që po i shpërndajmë ne. Siç e dimë të gjithë ne, siç e dini dhe ju, kjo çështje është bërë edhe virale, edhe ndërkombëtare, pasi ne shquhemi vetëm për vjedhje, për asgjë më shumë. Çështja e inceneratorëve ka arriur kulmin. Pse SPAK nuk po vepron? Pse SPAK hap vetëm dosjet e peshqve të vegjël? Pse SPAK nuk hap dosjet e mëdha? Pse trekëndëshi Bermudes Edi Rama-Erjon Veliaj-Taulant Balla, mos të harrojmë edhe tjerët dhe nuk po dalin para drejtësisë. Pse SPAK hesht dhe nuk është në krahun e popullit, por në krahun e interesave të tyre. Ku janë këto lekë? Pse po shpopullohemi çdo ditë e më shumë, pse të rinjtë po largohen. Ku janë këto lekë? Mos po përdoren sërish për masakrat zgjedhore? Mos vallë këto lekë po përdoren për firmat fantazma të trekëndëshit Bermudes Rama-Veliaj për të mos harruar dhe Ahmetajn? Kështu që të dashur qytetarë, qofshit socialistë apo demokratë, dua t’ju bëj një thirrje të gjithëve për protestën e 11 shkurtit. Të gjithë të dalin në protestë, pasi që revolucioni nqs është do të fillojë edhe nga këtu. Do vijmë edhe në shtëpitë e juaja, në çdo vend ku do të jeni, derisa ky vend të ketë drejtësi. SPAK të flasë derisa gjykata të mos jetë më peng i Edi Ramës, por opozita të jetë e lirë siç është. Populli të flasë me votë të lirë dhe të jemi të gjithë në protestë dhe në revolucion.
