GOLEM– Pamjet që shihni tregojnë aksionin e Inspektoriatit Kombetar të Mbrojtjes së Territorit në ambienmtet e “Prestige Resort” në Golem. Prej orëve të para të mëngjesit efektivë të shumtë policie kanë rrethuar ambientet ndërkohë që punonjësoit e IKMT-së kanë marrë “përforcime” për të hapur dyert nga brenda me trapanë e kaçavide në mungesë të aksesit në sistem. Dy të rinjtë që po kryejnë hapjen e dyerve janë me kapuç në kokë për ti shpëtuar abjektivit të kamerave.
Këtë të mërkurë policia dhe IKMT ‘zbarkuan’ sërish në ‘Prestige Resort’ në Golem këtë të herë për të kryer konfiskimin e godinave të cilat pritet ti kalojnë shërbimit social. Më herët presidenti i Focus Media Group pjesë e të cilit janë dhe mediat Panorama Tv , News 24, Gazeta Shqiptare dhe Balkanweb tha se ky është një aksion i qëllimshëm nga kryeministri Edi Rama pasi sipas tij ai nuk pranoi të ‘shitej’.
