SHKODËR– Kjo e hënë shënon dhe nisjen e punës zyrtarisht për kryebashkiakun e ri të Shkodrës BeNet Beci, i cili arriti të fitonte përballë demOkratit Bardh Spahia në zgjedhjet vendore të 14 majit. Beci pasi është betuar në Këshillin Bashkiak është ngjitur në zyrën që tashmë do të jetë e tij dhe është takuar me ish-kryebashkiakun Bardh Spahia, me të cilin ka pasur një shtrëngim duarsh dhe një bisedë të shkurtër. Përmes një postimi në rrjetet sociale ku ka ndarë dhe pamjet nga takimi Beci shkruan se dera e bashkisë do të jetë gjithmonë e hapur për Spahinë për të mirën e Shkodrës.
POSTIMI:
Kënaqësi që mbledhja e konstituimit përfundoi me një takim me z.Bardh Spahia. I urova atij suksese në angazhimet e tij të reja dhe e sigurova se dera do të jetë gjithmonë e hapur për të mirën e Shkodrës.
