GJERMANI- Ish-kancelarja Angela Merkel me sa duket ka hequr dorë nga çdo lloj shërbimi që përbën luks kur udhëton me pushime, pavarësisht se për më shumë se një dekadë drejtoi ekonominë më të fuqishme të Europës, Gjermaninë. Merkel fluturoi me bashkëshortin e saj Joachim Sauer me pushime në ishullin Kanarie të Fuerteventura dhe e kaloi fluturimin në klasin ekonomik.
Avioni ishte një Airbus 320-200 i linjës ajrore ‘Eurowings’. Avioni ka tre ndenjëse të mbushura në të dy anët e korridorit. Fotot tregojnë Merkelin e ulur në një ndenjëse në dritare me një maskë në fytyrë. Gjatë fluturimit, ajo u pa duke lexuar në tabletin e sa ku luajti fjalëkryqe dhe hëngri një sanduiç dhe speca.
Megjithatë, gjatë hipjes dhe daljes nga avioni, Merkel ka pasur disa avantazhe në krahasim me pasagjerët e tjerë. Ajo është shoqëruar në avion nga disa persona dhe është lejuar të hipë e para. Pas uljes, personeli i sigurisë mori ish-kancelaren. Merkel dhe bashkëshorti i saj i kaluan pushimet në një hotel me 4 yje në ishullin Kanarie.
